"२४ तासांत गजाआड ! चिखली पोलिसांचा धडाकेबाज पराक्रम – वयोवृद्धांना फसवणारा सराईत लुटारू पकडला !"
पोलिस अधीक्षक निलेश तांबे व ठाणेदार संग्रामसिंह पाटील यांच्या मार्गदर्शनाखाली डीबी पथकाची अवघ्या २४ तासांत कारवाई
चिखली /(छोटू कांबळे ) : चिखली शहरात वयोवृद्ध इसमाला फसवून सोन्याची अंगठी लंपास करणाऱ्या सराईत गुन्हेगाराला चिखली पोलिस ठाण्याच्या स्थानिक गुन्हे शाखेच्या (डीबी पथक) पथकाने अवघ्या २४ तासांत जळगाव (खान्देश) येथून अटक केली. आरोपीकडून चोरी केलेला सोन्याचा मुद्देमाल हस्तगत करण्यात आला आहे.
फिर्यादी दगडू विठोबा सोळंकी (वय ८३, रा. चांधई, ता. चिखली) यांनी दिलेल्या माहितीनुसार, २५ ऑगस्ट रोजी दुपारी ३ ते ३.३० वाजताच्या सुमारास चिखली येथील आठवडी बाजारात ते भाजीपाला खरेदीसाठी गेले होते. त्या वेळी पारधी बाबा मंदिराजवळील अंबिका जनरल स्टोअर्ससमोर एका अनोळखी व्यक्तीने त्यांच्याशी नातलग असल्याचे सांगत ओळख निर्माण केली. त्यानंतर फिर्यादींच्या उजव्या हातातील सोन्याची अंगठी पाहण्याच्या बहाण्याने आरोपीने अंगठी घेतली व "थैली घेऊन येतो" असे सांगून पसार झाला. या अंगठीचे वजन सुमारे ५ ग्रॅम असून किंमत अंदाजे ₹३०,००० इतकी आहे. फिर्यादींच्या तक्रारीवरून चिखली पोलिस ठाण्यात गुन्हा नोंद करण्यात आला.
0 Comments